Page:AKC 1671 02 10 565-185.pdf/3

quorum acumina a trecentis fere passuum millibus adeo elata, ac supra nubes erecta videbantur, ut te illis proximum diceres. Eorum plurimi atque altiores fumum potius quam ignem aliquando evomunt. Plantarum ac fructuum in tota torrida zona summa varietas, aliaque ab europaeis, quos aut nullos aut aegre fert torrida regio. At vero in temperata australi eadem ratio quae in boreali, vel saltem si inde hinc transferantur, quasi in solo patrio optime crescunt. Unicum tamen ac singulare in Chilensi Regno; quod a parte occidentali Andius versus mare pacificum nulla vipera aliudve genus venenati serpentis inveniatur, nec ullus fere tonitruum radios emittat idemque. Se Chiloe disceris, atque etiam de hac orientali ultra Andes regione qua ego deveni; at vero in reliqua orientali regione ultra Andes Regni Chilensis versus Paraquariam serpentes plurimi venenati, radiosoque tonitrua plurima.
Quo ad idiomatum varietates in tota Chilensi occidentali regione versus mare pacificum unum et generale omnibus indis, usque ad insulas Chiloenses; inde vero usque ad fretum Magellanicum aliud item generale; at vero ultra hos Andes maxima varietas; mihique saepe in unica domo ac familia quatuor aut quinque variis idiomatibus loquentum cum uxoribus ac servis qui e proximis regionibus conducuntur.
Nova hic mihi innotuit europaeorum colonia, seu civitas ad oram oceani orientalem istius Americae versus fretum Magellanicum circa gradum 47.um, eorumque censeo a quingentis fere Hispanorum oriundos qui ante annos fere 90 circa fretum Magellanicum naufragati evasere eaque versus pedem stitere in quodam lacu ad gradum 47.um. Hi toto hoc tempore omnino incogniti, et invii adeoque nullus hodie inter eos sacerdos, nec ulla sacramenta, nisi forte baptismus.

---page break---

◅▻