Pax Christi
Binas à Reverenda Vestra easq. acceptissimas accepi litteras, et ex ijs statum Reverendae Vestrae
Patris Stansel, Collegij Romani, et Urbis abundè cognovi. Faxit divina
bonitas, ut hae meae vos omnes salvos incolumes periculi immunes inveniant,
et ut brevi laetiora de vobis accipiam: Credi non potest, quam
sollicitus sim pro Reverenda Vestra, quam saepe de eo cogitam, loquar, somniam.
Laetius in hoc mundo nuntium mihi adferri non potest, quàm
ut intelligam Reverendam Vestram vivere ac valere: quare si me amet,
si me letum esse cupit, si sine sollicitudine vivere, moneat me saepius,
aut moneri curet de salute de vita sua o quam plus amo
quàm propriam. Utinam re ipsa id comprobare liceret. Sed spero
meliora à DEO, à Magna Matre, quam amas, a qua amaris
Pater dulcissime, optime, dilectissime, supra mortales omnes
amate. Vive, vale millies millies millies, aeternum. Amen.
Ruo in amplexus tuos, osculor te, nec dimittam, donec
commoriar tibi, ò Pater, ò Pater Athanasi, ignosce.
Gaudeo Patrem Stansel convaluisse, et iam revidere Museum Kircherianum,
quod avidissimè exspecto, et omnem adhibebo operam, ut citò,
bene; et si licebit, acutè imprimatur. D. SchönWetter, qui opera mea imprimenda
susceperat, etiam posthac scribenda, mortuus est. Pater ipse est
vir octogenarius, et Heredes eundem habent animum, et absoluta Mechanica
mea Hydraulica, imprimere volunt Magiam Meam, quantacumq.
sit, et quorumq. sumptuum. Doleo mortuum esse D. Todt in praedicantium
manibus. Nescio ubi sit D. Güldenlow; libenter ipsi scriberem.
Pecuniam ab Heydelbergensi acceptam statim mittam, ubi responsum accepero
à P. Koler, aut à Reverenda Vestra, utrum ipsam Pater Antonio tradere debeam
cum detrimento decem imperialium, ut alias scripsi. Summopere
placuit R. P. Rectori nostro; P. Cornaeo, et ceteris notis atq. amicis,
quod Reverenda Vestra eos salutaverit; resalutant omnes Reverendam Vestram
et longam vitam cum incolumitati ex animo precantur. Doleo
quòd non acceperim litteras cum folijs pro Musurgia. Fortassis adhuc
in cubiculo P. Koler haerent, qui noluit eas postario tradere.
Exspecto illas, sed quando vobis commodum fuerit. O si haberem
meum Anti-Maybonium: saltem illa folia in quibus de Vitruvio
theatrò Echaeo ago; serviret mihi pro Magia Musica.[1].
Iam saepius scripsi Reverendae Vestrae de Magia mea Universali Naturae et
Artis, sed nullum unquam verbum pro responsione accepi. Credo
quòd Reverenda Vestra non approbet consilium et laborem meum.
Scit Reverenda Vestra, quàm mihi ipsi nunquam satisfacio in rebus meis
ni illa tamen conscripta hactenus et conscribenda satisfacio mihi.
Credo quod philautia me decipiat. Reverenda Vestra perscribat mihi mentem
suam. Opus inter scribendum crescit. Aliter plane
quam disposueram, disposui atq. composui: ubi theoriam praemitto,
praxin subiungo, ita tamen, ut praxis sine theoria legi
atq. intelligi queat. Pars I. Optica, decem libris comprehensa,
placuit Censoribus, praesertim P. Cornaeo. Aio in praeloquio me
eam iussis et hortatione Reverendae Vestrae scribere, esseq. illam quam Reverenda
Vestra in Catalogo Librorum à se edendorum promittit. Si approbat
consilium meum, rem gratam faciat, si testimonium
suum ad me mittet libro praefigendum. Scripsi ad multos
viros doctos, et adhuc scribo ut symbola sua conferant, et si
quid rarum et curiosum habent, mihi communicent. Idem
---page break---
- ↑ it is a paragraph of the work Magia universalis naturae et artis.
