Page:APUG 1053.djvu/63

aut exequaris, sed aequalitatem, libertatemque animi ubique
servato. In his quae dubia sint, si incertus dubites, quid agendum
sit, Deum tuum, vel aliquem spiritualem virum consulito,
gratissimam Domini voluntatem nosse, et eam in omnibus
operibus tuis perfecte impleri expetens intra te dicito: O Domine,
quid me nunc vis facere? Placetne tibi, hoc, vel illud
faciam? et hoc etiam in minimis facito. In quotidianis colloquiis,
in gestibus et verbis sic te gerito, sic in Deum oculos
figito, quasi soli Deo, non hominibus placere desideres, et semper
Christus IESUS, quasi vivum speculum versetur ob oculos,
ut illius vitam imiteris. Ne sis in propria sententia obstinatus,
nulli pertinaciter repugnes, nisi veritas ipsa compellat:
In licitis semper votum, et alienum iudicium tuo
praeferas, et libentissime patere ab aliis reprehendi.
Documentum VI. Si te laedat aliquis, aut persequatur;
ne credas, aut iudices, eum iniuste, et immerito hoc facere,
sed animo repetens, quam ingratus ad immensa
Domini beneficia existas, dignum te proinde cognosce
quem creaturae omnes premant, et tanquam lutum
platearum conculcent; omnes afflictiones tuas de ipsius
Domini manu suscipito, non attendens ardorem cauterii,
sed dulcis Medici manum. Ut homines omnes plene in
Christo diligas; cogita firmiter, omnem hominem esse
teipsum; eiusdem naturae, ac beatitudinis socium, et participem.
Omnibus in quavis necessitate et afflictione constitutis
compatiaris, omnes consolari pro viribus sis paratus:
Fratrum errores pia commiseratione tollerabis,
omnem cordis amaritudinem sanctae charitatis dulcore
corrigens. Frustra se Dei amicum reputat, qui minus
sincere, quam decet, aliquem diliget, vel animum ab aliquo
per displicentiam, et mentis amaritudinem avertit.
Omnes ergo suavi charitate complectere, quod facillime fiet,

◅▻