Page:APUG 1053.djvu/22

est in morte Christi, unde victoria consecuta fuit. Theodidactus.
Quantam putas fuisse multitudinem Angelorum praevaricantium.
Cosmiel. Numerus eorum tantus erat, quantus
numerus Electorum ab origine Mundi usque ad
consumationem eius fuit; homines enim in societatem
nostram admissi, sedes occupant eorum qui per seditiosam
erga Deum voluntatem ceciderunt; Angelorum, Mundusque
tam diu perseverabit, quam diu numerus Electorum non
faerit completus: quo completo mox universa naturae
status innovabitur, regnumque Christi cum omnibus
Electis suis incipiet in perpetuas aeternitates duraturam.
Theodidactus. Unum adhuc dubium animam exeam
torquet; et est, cur homo peccati sui veniam et
condonationem a Deo benignissimo cum tanto faenare
obtinuerit. Lucifer vero cum asseclis suis irreparabili
salutem suam aeternamque felicitatem
perdidit. Cosmiel. Duas huius rei rationes esse
scias; quarum prima est. immutabilis Angelicae naturae
status, cui ita comparatum est, ut Angelus
libertate donatus arbitrii in quamcunque partem
necdum in gratia confirmatus sese verterit firma ei
stet fixaque sententia, et immutabilis sive ad bonum
ut in Angelis electis, sive ad malum, ut in daemonibus
per distortum depravatumque affectum in malo obstinata
voluntas, et tametsi culpae contractae. sibi probe conscius
fuerit; eius tamen nec voluit nec potuit poenitere,
atque adeo irreconciliabili odio a Deo avulsus, sine
ulla spe veniae, aeterno mancipatus supplicio, rebellis
permansit, et permanet in perpetuas aeternitates. In
homine vero paulo aliter se res habuit, qui cum mutationibus
obnoxius sit, carnisque imbecillitate sub boni
quadam apparentia utplurimum ad peccatum trahi
soleat, uti Protoplastos dolo et astutia serpentis deceptos
peccasse constat, et uti peccatum suggestione diaboli magis et fragilitate
animi, quam malitia commissum erat, ita facile quoque.

◅▻