quidquid tirannus Pharius, ob Iesum pati?
CEL. -Praebente Iesu copiam possum omnia.
IGN. Macte, puer, animi, pectus immensum para,
miles Tonantis strenuus, Iesu pugil,
eius sequeris castra sed maestum prius
solare patrem*[1] nocte mox coepta redi.
Felix triumphus, vana sed mentem coquit
parti triumphi pompa. Pendatur Deo,
hic unus omne postulat laudum decus.*[2]
Pontifex Princeps Octavius
Aulici, Milites, Caet.
Gratulatur sibi pontifex vic=
PON. -Tantumne plaudit Roma? Tam laetis ovans
repente signis tollit Ignatî decus?
Et ipse plaudo, gaudium vix se capit,
toti triumphum duco felicem gregi.
Hunc augurabar exitum: virtus diu
livoris astu pressa nequaquam iacet.
PRIN. -Togata virtus Martio praestat sago,
uno triumphat nobilis victrix die,
cum longa Marti lustra vix palmam ferant.
PON. -Tu bellicosum concipe calorem, nepos,
armisque foedas haeresûm turmas age.
Loyola sanctis moribus belli faces
ardentiores subdet. Is terrae datus
Lutherianas victor ut furias domet.
PRIN. Id, credo, ludis serio expressit suis
