Page:Obelisci Aegyptiaci Interpretatio hieroglyphica 1666.pdf/90

Cabala docuimus. Et ideò teste Porphyrio, cœrulea ueste indutum, eum pingebant, ut cælestem illum esse significarant, et in Cœlo habitare, nullius coloris, vel accidentis participem, nullo terrenæ mixtionis inuolucro uestitum, etiamsi nobis fortasse eum suscipere uideatur, et modò irasci, modò placari; quemadmodum Cœlum ipsum, cum nullius coloris sit, propter interualli longitduinem tamen, cœruleum uidetur. Sed audiamus verba Porphyrij, sic enim dicit: Aegyptiorum autem Deorum symbola talia sunt: Creatorem Aegyptÿ Emepht (melius Hemphta) appellant, cuius imaginem in forma hominus faciunt, colore cœruleo, Zonam tentem et Sceptrum, cuius in capite pennam ponunt significantes difficilem inuentu esse Creatorem, et nemini conspicuum, uiuisicum etiam et Regem et intelligibili motu circulatum. Hic Deus, inquit, ab ore ouun preducit, á quo nascitur Deus, quem Aegyptÿ Phta, Græci Vulcanum appellant; significatur autem Aegyptÿs osso Mundus. Atque hanc iconem ad unguem expressam reperies in Tabula Bembina, seu mense Isiacæ interpretatione signatam literam X. differt tamen quod Deum canino capite exprimat, habet in capite globum serpente fætum et pennam, supra; brachijs dependentibus, manibus contractis velati summa vi aliquod attentaturus; Zona ad mamillam cinctus; cæterum, exceptis sæmoralibus nudus; uti in hic adiuncta figura patet penna volatum, globus serpente fœtus dominium vitalis in Mundo motus notat, nudis et subtilibus membris, nudum á cognitione humana, canino capite indicat sagacissimi mentis prouidentiam. Zona pectori circumdata, Mundi partium rectricem potentiam, velo sacro tectus est, ad insandam eius potentiam innuendam. Uides igitur verticem penna sublimem, uides Crucis ansatæ mysteriosam notam. Per pennam non solùm, ut Por

◅▻