f. 229v
contra omnes spiritus mundi huius, et contra omnes spiritus nequitiarum atque malitiarum; protegere etiam ab omni errore, ab omni ignorantia mala, et ab omnibus peccatis.
411. Honora, reuerere et obserua maiores tuos, maxime autem superiores, nec solum maiores tuos, sed eos omnes, qui uel potestate, uel authoritate, uel doctrina aut uirtute, aut aetate, etc. sunt te ipso maiores. Multi reperiuntur adhuc qui parentes et superiores suos amoris affectu prosequantur; item qui obediant eis atque succurrant in necessitatibus; sed qui insuper honorent ex intimis ac uere reuereantur, pauci: tu ama omnes proximos tuos, et omnibus, quantum datur, benefac; specialiter autem erga maiores habeas affectus reuerentiae, honoris et uerecundiae, et reliquos affectus, qui inferiores recte ordinant erga superiores; erga aequales simul affectus fraternae dilectionis, illis semper deferens. Erga minores autem esto beneuolus
_______________
