Ex aere, orichalco, ligno polito, charta solida ac rigida,aliave quacunque materia idonea, praepara laminam tenuem, sed rigidam, et ejus formae et magnitudinis, quam exhibuimus supra cap. 1; vel, si lubet, majoris, aut Minoris, exempli gratia ejus, quam exhibet sequens figura A B C D. Laminam praeparatam,
Figura I
et utraque in facie bene politam, divide in quot libuerit columnas, verbi gratia ut hoc in decem, aequalis longitudinis et latitudinis inter se. Singulas columnas partire in novem aequala inter se quadratula, et quaelibet quadratula in duo triangula, dicta diagonali ab anguo inferiori sinistro ad angulum superiorem dexterum, uti figura monstrat. Novem prioribus columnis,et singulis earum quadratulis, inscribe eosdem numeris, quos supra cap.4.?.1. inscripsimus Tabulae Pythagoricae; hoc tamen pacto, ut qui unica figura
