Memoriale quoddam bonorum desideriorum, et quarundam bonarum cogitationum Reverendi Patris Petri Fabri Sacerdotis. Societatis Iesv.[1]
Benedic Anima mea Domino et noli obliuisci omnes retributiones eius qui redemit[2] de interitu uitam tuam qui[3] coronat[4] in misericordia, et miserationibus qui replet in bonis desiderium tuum postquam propitiatus est, et quotidie propitiatur omnibus iniquitatibus tuis, et sanat omnes infirmitates tuas dans spem bonam qui renouabitur ut aquilae iuuentus tua confitere semper anima mea, et noli obliuisci unquam multa beneficia, quae Dominus noster Iesvs Christus[5] fecit tibi, et singulis facit momentis intercessione Benedictae Matris suae dominae nostrae omniumque Sanctorum,[6] coeli omnium etiam qui pro te orant in Ecclesia catholica
