Page:Organum mathematicum libris IX. explicatum (1668).djvu/577

ab Epacta *, vel I semper vel tertium, vel sextum, vel nonum , vel undecimum, vel decimum quartum, vel decimum septimum , vel decimum nonum locum obtineant , ut patet ex Tabula expansa Epactarum ; verum est, quod diximus.
Simili ratione cum Cyclus annorum Ecclesiasticorum incipiat vel ab Epacta XXIII, quae in Calendario adscripta est octavo diei Martii , vel, quando ipse in aliquo Cyclo non continetur , ab Epacta XXII,quae nono diei ejusdem Martii praefigitur ; cumque in hac Regula allatae pro anno EcclesiasticoEpactae eundem etiam situm et ordine servent,ut vel tertium, vel sextum,vel nonum etc. locum occupent , ut patet ex eadem Tabula Epactarum expansa; verum etiam est , quod in secunda parte Regulae diximus.

EPILOGUS LIBRI QUARTI.

MUlta alia, jucunda aeque ac utilia, afferri poterant, tum ad Chronologiam universam, tum praecipue ad Tempus ac Computum Ecclesiasticum spectantia: sed ne nimiam in molem excrescat hic Liber , calamum cohibemus erit fortaẞis tempus et occasio,quando totam dicti Ecclesiastici Temporis doctrinam, totamque Calendarii Juliani et Gregoriani rationem peculiari Opere fusius et ex fundamentis explicabimus. Interim his fruere, Lector.

◅▻