Page:Organum mathematicum libris IX. explicatum (1668).djvu/646

II. Centro E, intervallo quovis E F vel E G ad libitum assumpto,fac circulum F N G M.
III. Ad puncta F et G fac duas lineas, H F I et K G L, contingentes circulum in punctis F et G, diametroque F G perpendiculares.
IV. Contingenti H F I applica Faciem anteriorem Regulae Sciathericae, ita ut latus B C Regulae congruat contingenti H I, et punctum F Regulae puncto F contingentis: quo situ stante Regula, ubi lineae horariae ipsius contingunt lineam H I, ibi imprime puncta. Simili ratione idem latus B C Regulae applica alteri lineae contingenti K G L, ita un punctum F Regulae congruat puncto G contingentis; et, stante hoc situ Regula, imprime puncta lineae K L ibi, ubi a lineis horariis Regulae tangitur.
V. His factis, e centro E circuli, ad puncta horaria in utraque contingente notata, duc recta, lineas, quae secabunt circulum in 24 aequales partes; eritque ipse Horologium Aequinoctiale. Deinde bina qualibet puncta in utraque contingente notata, et aequaliter a diametro F G remota, conjunge lineis rectis, diametro F G parallelis; eritque parallelogrammum totum H I K L, Horologium Polare; at pars dimidia dextera F I L G, erit Meridianum Orientale; sinistra vero H F G K, Meridianum Occidentale. Numeri itaque horarii ad scribantur lineis horariis, uti Figura monstrat.
VI. Pro Horologio Horizontali describendo, accipe circino ex Facie posteriore Regulae Sciathericae radium A 40, inter A punctum et rectam D C interjectum, eumque ex puncto F contingentis H F I transfer sursum usque ad punctum P Meridianae lineae A B; eritque P centrum Horologii Horizontalis. Ex hoc centro, ad puncta horaria in contingente H F I notata, duc lineas rectas, et habebis partem linearum horariarum Horologii Horizontalis. Horam sextam matutinam et vespertinam dabit recta per P centrum ducta, rectae H I parallela. Horas 4^tam et 5^tam ante sextam maen, et 7^mam atque 8^vampost sextam vespere, dabunt horariae lineae cognomines per centrum P productae.
Locum et altitudinem styli in Horizontali hoc Horologio