quantitas diurna desideratur. Numerantur autem tam gradus, quam dies ab imo sursum. In vertice quaeritur altitudo poli, ut antea. Ab altitudine poli descenditur deorsum, a gradu aut die invento pergitur sinistrorsum: in communi quadrangulo concursus reperitur, ut antea, in horis et minutis quantitas semidiurna. Quae si duplicetur, habetur quantitas integri diei: Et si haec auferatura 24, habetur quantitas noctis.
EXEMPLUM. Vis scire in eodem loco, in quo est altitudo graduum 42, quantitatem diei ac noctis, Sole existente in gradu 9 Cancri, aut die 2 Julii. Quaere columnam, cui in vertice ad scriptus est numerus 42. Deinde in columna prima dextera quaere 9 gradu Cancri, aut in columna tertia 2 diem Julii. Invenies in communi concursus area seu quadrangulo horas 7, minuta 31, pro quantitate semidiurna illius temporis. Haec si duplices, habes 14 horas, 62 minuta, seu 15 horas, et 2 minuta, pro quantitate diei artificialis illius temporis. Haec si subtrahas a 24, seu a 23 et 60; inveies 8 horas, et 58 minuta, pro quantitate noctis eiusdem temporis.
Usus Tabullarum hic est.Sole existente in Signis Australibus, serviunt Tabulae paginarum dexterarum.
Et quidem si Sol percurrit Signa Australia descendentia, quae sunt --------; quaeritur in latere sinistro gradus, aut dies, et in vertice altitudo poli. Deinde ab hac descenditur deorsum, ab illis pergitur dextrorsum, usque ad commune quadrangulum concursus, quod in Horis ac Minutis exhibet quantitatem semidiurnam; quae multiplicata, dat diurnam: subtracta 24, dat nocturnam.
Si vero Sol percurrit Signa Australia ascendentia, quae sunt ------; quaeritur in latere dextero gradus, aut dies, et invertice altitudo poli; et operatio instituitur, ut antea. Exempla nulla appono, qui enim dicta praecedenti § intellexit, nullam potest habere difficultatem.
