transfer bis ex O versus N, et habebis punctum medie quinte et sexte. Ratio desumitur ex Propos.4.Lib.6, Euclid, sicuti enim recta A R est dimidium rectae A O, ita R S est dimidium rectae O N productae usque ad punctum quaesitum.
Si A R esset tertia aut quarta pars ipsius A O,recta R S deberet ter aut quarter transferri in rectam O N productam, prepter causam ex Euclide allatam.
Regulam Horographicam praeparare.
Regulam illam, quam Auctor Organi in praecedenti Libello praeparare, et ad aliquot horologiorum genera ejus ope delineanda adhibere doet, primus omnium(quod sciam) evulgavit P.Clavius cap.16. libelli, quem de Fabrica et Usu Instrumenti ad horologiorum descriptionem peropportuni scripsit. Fatetur autem Gernama sinceritate, se didicisse illam ab Illustrissimo Domino Jacobo Curtio, tunc, cum illa scribebat, Caesareae Majestattis Rudolphi II. apud Summum Pontificem Sixtum V. Romae Legato, viro cum in omni doctrinarum genere, tum in rebus Mathematicis(sic loquitur Clavius) praestantissimo, et cum sivi vehementer placuisset, utpote Instrumentum simplicissimum ad horas a meridie et media nocte in plano tam horizontali, quam verticali facillima ratione describendas, voluisse se illam evulgare. Eandem Regulam, ejusque usum, fuse describit, P Joannes Voëllus lib.2. de Horologiis cap.15. ac ultimo, et P.Athanasius Kircherus lib.4. Artis magnae Lucis et Umbrae Par.2.cap.1.Pragmatia 7.ubi eam describit, et cap.6.ubi ejus usum docet. Ejusdem Regulae constructionem et usum docuimus nos lib.14. Cursus Mathematici Par.5.Propos.2.et propter magnam facilitatem, lateque patentem usum hic repetimus, aliter tamen quam citato loco constructam quoad modum, non quoad subtantiam, quae eadem est hic et ibi. Itaque
I. Fac ex orichalco, cupro, ligno, aliave materia folida ac
