Page:Organum mathematicum libris IX. explicatum (1668).djvu/96

PRAELUDIA IN ORGANUM MATHEMATICUM.
Vt clarius a nobis proponantur, et facilius a Tyrone Nobili percipiantur, quae de Origini Mathematici usudicturi sumus, praemittenda necessario est primo eiusdem forma seu figura externa, divisio, aliaque adfabricam sive constructionem pertinentia. Deinde rudis quaedam ac superficialis omnium in eodem Organo contentorum explicatio, seu potius enarratio. Demum brevissima ac solum generalis quaedam Tabellularum, aliarumque rerum in dicto Organo contentarum declaratio. Atque haec erunt veluti Praeludia dicendorum in sequentibus Libris.
PRAELUDIUM I.
Forma ac divisio Organi Mathematici.
Forma seu figura externa Organi Mathematici est, qualem praesens Iconismus I. exhibet. Nempre est Cistula A B C D E F G, scalari forma ad modum Organorum pneumaticorum, quorum in templis nostris est usus,