quae de iis per quatuor integra climata agens, omnia, quae miranda de iis caeteri Authores tradunt, confirmat; veluti de Pygmaeis Cubitalibus, et insolitae vastitatis volucribus, in interiori recessu Regnorum Iagog, et Magog, seù Cathaiae, degentibus. De illis ita part. 10 clim. 5. tradit.
Est in parte huius climatis Iagog regio multùm habitata, et post eam homines inveniuntur, omnes minimi statura, in tantum ut ex iis unus 3 palmos, vel spithamas non excedat, et mulieres eorum similiter. Cui consentiunt omnes Septentrionalium rerum Scriptores. Ita Paulus Iovius in libro de Moscovitarum legatione. Ultrà Laponas, inquit, in regione, inter Corum, et Aquilonem perpetua oppressa caligine Pygmaeos reperiri, aliqui eximiae fidei testes retulerunt, qui postquam ad summum adoleverint, nostratis pueri denum annorum mensuram vix excedant, meticulosum genus hominum, et garritu sermonem exprimens, adeò, ut tam Simiae propinqui, quam statura, et
Page:Prodromus coptus sive aegyptiacus (1636).djvu/124
From GATE
There was a problem when proofreading this page
![](/mediawiki/images/thumb/7/7c/Prodromus_coptus_sive_aegyptiacus_%281636%29.djvu/page124-1024px-Prodromus_coptus_sive_aegyptiacus_%281636%29.djvu.jpg)