Ut fidem meam Amicis Europæis, et quos potissimum, mihi commune studium coniunxit, (tibi im primis amicissime Athanasi Kircher Romanæ Mathese oraculum, totiusque Naturæ sagacissime prome-conde) exolverem, qua dum ab ijs in Occidentem animarum causa avellor, me obstrinxi, brevem hanc cœli solique Brasiliensis, qua parte Tropicum inter ex Aequinoctialem, definitur, Epitomen horis subsecivis scripsi. Ubi ut plurimum, de eius temperie & aëris clementia, de Astrorum influxibus eorumque admirandis effectis: de Meteoris, de Asterismis Australibus: de novis Phasibus: de Ventorum Australium qualitate: de anni tempestatibus: de soli feracitate, ubertate et a__nitate: de Longitudine et Latitudine: de æstibus marinis: de fluminum æstuarĩjs: de frugibus, plantis, arboribus: de Animalibus prodigiosis, terrâ marique. De Volucribus, de Incolam moribus, et genio et ceteris curiosi dissero. Ex occasione paucula quædam inspersi de solis, lunæ, et reliquorum planetarum habitudine, de spirali et helico motu, reiecta Antiquorum de retrogradationibus, de Epicyclorum Augibus et ralaugibus; de Eccentricis demotu Raptûs seu violento et ceteris opinione. Boni consulent Astronomi si viâ non trita imus, si à placitis veteris Astronomiæ aliquantum discedimus. Amicus Plato, amicus Socrates, sed magis amica veritas. Vale lector, et peregrinum hoc munusculum, quod ab Orbe novo, per toto, tantaque marium et Oceani discrimina in Europam tuam pariter et nostram, transmittimus, humaniter accipe et lege.
---page break---
