Excellentissime Heros; gloriosissime Sacri Romani Imperii Comes
Quinquam iam plaeudente orbe ultimum Caesarea potentiae Marziale
culmen ascenderis incomparabilis tamen tua magnae mentis clementia contineri
nescia, beneficia beneficiis accumulare non desistis; dum Musaeum meum
mihi immeritissimo, exornare non est dedignata innata tibi generositas, trophaeis militaribus, gestarum gerendarumque rerum symbolis luculentissimis, et plenis boni ominis, rerum auspicamdarum contra hostes auguriis - gloriabuntur mathematica nostra crepundia, sub tam gloriosis victricis dextrae tuae tertimoniis nobilissimis charabteribus caput posse attollere; omnes advenae, ex omnibus mundi partibus, rerum in museo contentarum curiositate impussi, laudabunt tuam generositatem, in tuam beneficentiam; erit itaque id monumentum cedro perennius, a magno Heröe Montecucolo ad posteritates memoriam constitutum, in Collegio Romano ex omni natione congregato
TU igitur Heros magnanime, qui omnibus imperas, impera et mihi, ut et ego de TE bene mereri queam. Verum uti tuorum munerum praestantia, omnem mihi condignæ recognitionis regressum occluseritis, ne tamen ingratitudinis notam incurrisse auderi possim ecce TIBI hisce offero, novum ingenii mei partum; Arcam, inquam, Noemicam; a Jansonio non ita pridem publicae luci commissam, Vibe. Fateor munusculum et cartaceum, verum sacris oraculis confertissimum; quod eo Te affectu acceptaturum confido, quo alia a me tibi missa acceptare non es dedignata, haeroica virtus tua. Plura, quae iam praelo subsunt, missurus; si tibi hoc non displicuisse intellexero. Nil itaque restat; nisi ut ego imprimas, cum caeteris fidelibus Deum Optimum Maximum pro religiosis; devoti Deo Caesaris armis, et TE omnium Archistratego incessantibus praecibus et sacrificiis exoremus, ut in haec orbis perturbatione, dextram potentis exerat iustam causam defendat, et una pace nobis concessa, contra Ottomannicum Imperium bella convertat.
Vale Heros excellentissime. Vale Sacri Romani Imperii robur et fulcimentum. Vale, vince, et uine Deo, Caesari,et Patriae, et demum mihi fauere ne desistas.
Romae, 18 Junii 1675 Heroica virtutis Tuae excecllentissime admirator
Servus Humilissimus et devotissimusmus Athanasius Kircher Societatis Iesu
