f. 173r
fructus uenies ad gloriam arboris huius, sed p>otius per uiam radicis. Appone igitur ad radicem quicquid poteris, quia aliquando radix ipsa apparebit glorificata, sicut primum apparuit glorificata, intra ipsam terram, dum descendit ad inferos Xpi. anima, uera radix creata, quae facta est summus omnium creaturarum rationabilium fructus gloriosus. Sicque conuersa est arbor haec, ut radix in supremum locum uenerit, dimissis omnibus fructibus suis sub se, influens uirtutem suam a superioribus ad inferiora.
281. In futuris igitur bonis gloriae Dei, id est, in bonis coelestibus, illud erit spectandum, quod fructus ipse, qui est radix uera glorificata, ille, inquam, fructus melior erit quam reliquum corpus arboris, quia sit conditio illius uitae beatae, ut in eo quod der essentiam melius est, maiores quoque fructus et meliora accidentia collocentur. Sed non ita est in hac uita misera, quae
_______________
