Page:Organum mathematicum libris IX. explicatum (1668).djvu/1028

requirit, juxta methodum signandi traditam supra Cap. 5. §. 2. Demum singulis Pentagrammis adscribe suas Claves, seu septem Alphabeti litteras A, B, C, D, E, F, G, juxta dicta ididem. Erunt igitur exempli gratia quatuor Pentagramma signata, et notata litteris, Prout apparet in sequenti paradigmate. Et hoc in omni compositione musica servandum est. Sequens paradigma est compositum supra tonum sextum.
II. Notas singulas in PEntagrammo Bassi distingue inter se lineolis ductis; et claves sinculis notis competentes scribe supra aut infra illas,prout factum vides in pentagrammo Bassi in eodem sequenti paradigmate.
III. Compositionem ipsam auspicare, singulis Bassi notis contraponendo aliarum Vocum notas, seu puncta loco motarum, incipiendo a prima nota, sic. Clavem F, primae notae Bassi ascriptam, quaere in reliquarum Vocum pentagrammis singulis, et ab ipsa sursum gradatim per singulas Claves ascendendo quaere in una Voce tertiam, in altera quintam, in tertia octavam : hoc est, quaere Claves, quae a Clavi F absunt susrsum versus una tertia, una quinta, et una octava; et loca inventa signa punctis, seu notis ejusdem valoris cum prima nota Bassi, ipsisque suprascribe consonantias numeris expressas; et habebis in reliquis Vocibus notas primae Bassi notae superstructas, videlicet in Cantu tertiam , in Tenore Quintam, in Alto octavam, Prout in sequenti Paradigmate apparet.
IV. Eodem modo procede cum aliis notis Bassi, donec omnibus congruentes et consonantes notas superstruxeris. In spice sequens paradigma, in quo omnia clare patent, quae diximus servanda.

◅▻