Dum vero secundis cogitationibus haec mea olim inventa recognoscerem, videbantur ea quidem secretum aeque commode celare posse, ac ullus eorum modorum Steganographice scribendi; quos hunc usque datos in publicum fuisse onspexi: tametsi nonnihil difficultatis occurrat in eo, quod littera cryptographica certis intervallis alligata libertatem in componenda Espistola reddat tantisper arctiorem. Huic proinde qualiquali incommodo qua ratione foret occurendum, in gratiam praefertim Virorum Illustrium, et quibus aut patientia meinor, aut pretium temporis majus esse consuevit. serio cogitare coepi. Quid porro haec agenti in mente venerit, sequens praxis aperiet; qua anno superiore Augustissimo Caesari transmissa non displicuisse intellexi.
Sequitur praxis, prout ab ipso Dn. Kinneroc conscrita fuit. Eam claritatis gratia in varia diflincit membra ipsemet Auctor.
PRAXIS NOVA STEGANOGRAPHICA
Amico absenti aliquid occultissima ratione significandi, et extra omnem latentis secreti suspicionem, ita ut humanitus loquendo nullus in ejus congitionem ventre possit.
, In arte steganogrphica illud potissimum quaeritur, ut ratio significandi fit occulta, et ipsae litterae, quibus secretum innuitur, si in aliorum manus deveniant, nullam de latente arcano suspicionem movere possint. Quod si facilitas insuper accedat in operando, quia tunc minus fastidii causabit, tanto scribendi praxis gratior erit. Ea omnia repetiri existimo in methodo sequenti, quam brevissime describo.
§. I.
Notae significativae, quarum usus in hac praxi occurrit. Ut litterae omni suspicione careant, nihil omnino in eis ponendum, quod alias non fit usitatum in scribendo. Unde eum praeter ipsas Alphabeti litteras, et signa, quibus scripturae membra
