CAPUT VIII
De Steganographia Logistica.
Logisticam vocant illam Arithmeticae practicae partem, quae de quatuor vulgatis ejus speciebus tractat, videlicet de Additione, Subtractione, Multiplicatione, divisione, de quibus Libro primo hujus Operis egimus. Harum quatuor specierum ope instituu postes non in jacunda Steganographia, seu occulte scrinendi ratio, idque variis modis, et nihilominus ira occultari, ut nulla, aut fere nulla legentibus, et artem nescientibus, suspicio oriatur latentis secreti. Tractat de hac Steganographia Joannes Caramuel Liber 3. Apparatus Philosophici, agens de ciphris Arithmetiis; sed eam non liberat a secreti sub ea occultari suspicione. Ego eandem cum praecedentibus miscens, trado sequentia.
§. I.
Additio Steganographica
Additio apud arithmeticos est duorum plurium ve numerum in unam summam collectio; unde Addere vocant Itali Sumammare, Hispani Summar. Hanc Additionem ad Steganographiam it aplicabis.
Scriptio per Additionem
Primo. Vis occulte significare amico absenti haec verba: Fuge cito. Selige ex Tabellis Steganographicis (de quibus in praecedentibus) quamcunque, verbi gratia. Tabellam F. Debet autem amico absent constare, qua Tabella uteris: quare vel ante cum ipso conveniendum est, vel praemoneri debet, vel in Epistola, quam mittis, id ipsi insinuandum; quod fiet, si Epistolam incipias ab illa littera, a qua incipit Tabella qua uteris. Sequitur Tabella F. commoditatis gratia transversim disposita.
