P. Clavius in commentarius ad cap. 3. Sphaerae, ubi similes sequentibus Tabulas habet, pro earum usu sequentes praescribit regulas.
Sole existente in Signis Borealibus, Arcus semidiurnus, id est, dimidiata diei pars, in angulo communi, hoc est, sub data poli altitudine, et regione dati gradus Zodiaci, sive dati diei, reperitur.
Arcus seminocturnus, id est, dimidiata pars noctis, relinquitur, arcu semidiurno ex horis 12 dempto.
Arcus semidiurnus duplicatus, totum arcum diurnum, id est, totam diei quantitatem conficit.
Arcus seminocturnus duplicatus, totum arcum nocturnum, hoc est, totam quantitatem noctis constituit.
EXEMPLUM ponit tale. Sole existente in 12 gradu Tauri, vel in 18 gradu Leonis, hoc est, die 3 Mji, vel 11 Augusti, ad altitudinem poli Arctici graduum 42.
Arcus semidiurnus reperitur in communi angulo Hor.6. Minut. 58.
Arcus seminocturnus est Hor. 5. Min.2. qui relinquitur, arcu semidiurno Hor. 6. Min. 58. ex horis 12. detracto.
Arcus diurnus continet Horas 13. Min. 56, duplum videlicet semidiurni arcus Hor.6. Min. 58.
Arcus nocturnus complectitur Horas 10. min. 4. nimirum duplum arcus seminocturni Hor. 5. Min. 2.
Sole existente in Signis Australibus similia his eruuntur ex Tabula seu columna, quae in vertice habet altitudinem poli 42 graduum. si ea, quae de Signis Borealibus dicta sunt, intelligantur dicta de Australibus. Sequuntur tabulae.
Tabulae sequentes accommodatae sunt Calendario Novo seu Gregoriano, quod differt a Veteri seu Juliano, hoc saeculo decimo sexto, diebus 10, saeculis autem sequentibus differet pluribus diebus.
