Signatum littera D, consinens Tabellas
pro
COMPUTO ECCLESIASTICO.
.§ I.
IN hoc Loculamento quarto continentur tria Tabellarum genera.
Primum est una Tabella latior, quae ab uno latere duas Rotas, ab altero totidem continet.
Prima Rota.
Prima Rota continet Cyclum Solarem; quae est revolutio 28 annorum: cui exterius circulus Litterarum Dominicalium, in toridem partes distinctus, respondet. Ex hac rota si quis velit imposterum quovis anno scire Cyclum Solarem, una cum littera Dominicali eodem anno currente, is numeret ab anno 1660 (quae est Epocha hujus rotae) consequentes ordine annos; et Loculamentum anno currenti respondens dabit et Cycli Solaris numerum, et una litteram Dominicalem. VERBI GRATIA,desidera scire, quis anno 1667 sit futurus numerus solaris Cycli, et littera Dominicalis. Operare ut dictum, et invenies ab anno 1660 computando usque ad 1667 annum, ibidem Cycli solaris numerum 24 et supra litteram Dominicalem B. Ita hoc anno 1661 Cycli solaris numerus erit 18, et littera Dominicalis pariter B. Anno vero 1664 Cycli solaris numerus erit 21, et littera Dominicalis duplex F et E, anno videlicet Bissextili. Ea vero littera, quae inter duas ordine litterarum naturali posterior est, videlicet in posito exemplo littera F, uteris a principio anni usque ad feltum S. Matthiae seu usque ad diem 24 Februarii; priori vero E, reliquo toto anno, a festo S. Matthiae incipiento usque ad finem. Litterae vero solitariae ostendunt annos communes.
Secundos
