Page:Organum mathematicum libris IX. explicatum (1668).djvu/46

Calendarii vetris errore, eiusque correctionem necessariam ostendo.
Quintus Liber est HOROGRAPHICUS. In eo expono quintum Organi Loculamentum, quintumque Auctoris Libellum, Tabulas ac Regulas pro Gnomonica seu Horologiographia complectentem. Utrasque fusè, ac, ni fallor, perspicuè explico in uberiore Instructione, quam, praemissis Hypothesibus, aliisque ad Horologiorum descriptionem necessariis Prolegomenis, in tres partior sectiones. In prima describo omnis ferè generis Horologia per Semicirculum & Regulam sciathericam, in secunda per Arcus horizontales & verticales, in tertia per Tangentes. Quibus praestitis, explicatum manet quintum Loculamentum ac Libellus.
Sextus Liber est ASTRONOMICUS. In eo explico sextum Organi Loculamentum, sextumque Auctoris Libellum. Subiungo Instructionem uberiorem pro Astronomia, sed compendiariam, explicando primò summatim nonnulla Astronomiae Elementa, ut voco: tum per varia capita expono dicti Loculamenti sexti Tabulas, Tabularumque usum in invenienda dierum ac noctium artificialium quantitate, ortûs & occasûs Solis hora, Crepuscolorum

◅▻