Page:Organum mathematicum libris IX. explicatum (1668).djvu/93

coelo maturum terris immatura carpsit hiems, Augustissimus Imperator LEOPOLDUS, archiducis frater, clementer assensus est, ut reverendissimus et celsissimus princeps ac dominus, Dn. episcopus labacensis, IOSEPHUS COMES DE RABATTA, etc. defuncti serenissimi archiducis Aulae praefectus, cor eiusdem serenissimi vasi argenteo inclusum cum praedictis paramentis cellas deferret, ibidem sepeliendum. Unde praenobilis et eximius dominus Godefridus Aloysius Kinner a Lövventhurn, serenissimi studiorum moderator, et praecedentis Panegyrici auctor, sequens Epitaphium, iuxta cordis sepulchrum aenea tabula incidendum, concinnavit.
Sub hoc saxo iacet
Magni Principis parva portio,
COR
CAROLI IOSEPHI,
Archiducis Austriae.
Hic iter in cellas vovit vivens:
sed cum in coelo avocaret Deus,
ne toto coelo deviasse videretur a via,
terminare eandem voluit etiam extinctus.