Page:Prodromus coptus sive aegyptiacus (1636).djvu/146

: Hac igitur ratione Episcopi Suriani primùm Regnum Caranganor, Colon et Cochin ingressi paulatim omnes circa Regiones in Chinam usque occuparunt.Haec Gusmanus. Quae omnia confirmat supracitatus P. Paulus Godignus, atque eos in hunc diem aliam doctrinalem, praeter Syriacam linguam nescire; hac omnia monumenta, omnes sacros & Ecclesiasticos Codices conscriptos tenere, omnes denique; Literatos sacris potissimùm initiandos ad hanc non secus, ac apud nos ad Latinam addiscendam teneri; addit, Vaipocotae in Collegio Soc: Iesu, eam ex professo veluti ad Brachmanes convertendos necessariam doceri. Unde indubitatè colligo, tam eximiarum in ultimos Asiae fines expeditionum Authores alios nõ fuisse, quàm dictos Episcopos Surianos Thomaeorum. Inter quos non Syrostantùm; sed & Aegyptos seu Coptitas, Aethiopesque fuisse abundè declarant supraallegata nomina patria lapidis marginibus Suriano charactere insculpta. Ut , Asba , Saba , kufio Tabennoio , Kubtis , Mitsroio Quorum illa Aethiopica, haec Aegyptia, caetera Syra esse, vel leviter tantùm dictarum linguarum cognitione imbutus ignorare non potest. Dicebantur autem hi omnes promiscuè Suriani, vel quod totum illum tractum, qui est ab Eufrate