Pax Christi
Antiquioribus Vestrae Reverentiae litteris datis anno 1653 respondi ex Chiloe, nec tamen iis
quae Vestra Reverentia desiderabat satis facere potui. Eas tamen unicas à Vestra Reverentia
acceptas utpote mihi carissimas servavi hucusque imò transtuli mecum
ultra Andes huius Americae, quò altero ab hinc anno solus operarius
adveni ad messem plurimam barbarorum, quos Poyas vocant qui hucusque
quasi incogniti, et antropofagi maxime timebantur ab Hispanis, et à
nostris Patribus Chiloensibus, adeoque meo discessui plurimus obstitêre, meque cum
lacrimis prosecuti sunt quasi ad certum interitum, nec nisi altero ab hinc
mense iis modus fecere, quo laetissimus nuntius de me acceperunt. Deo enim
favente adeo paratum evangelico semini agrum inveni ut non haec
tantum proxima Andibus regio fides susceperit sed ab altera usque orientalis
Americae ora maritima Principes barbarorum plurimi iam venerint fidem suscepturi;
longèque plures proximè expecto. Ab hisce Andibus ad oram usque
litorum orientales ad 500 scilicet passuum millia, nulla sata; nulla domus;
soloque venatu vivunt Struthionum, Vulpium, et Guanacorum (qui Belzuari_
lapides enutriunt) eorumque ex pellibus domos sibi portabiles, seu tabernacula conficiunt,
ac fere quotidie sese alió conferunt. Quò eos avocat venatus, quem
ob lignorum penuriam quae sive nulla sive fere nulla sunt, vel omnino
crudum, vel fere crudum comedere consuescunt. Fateor me hoc aestate
qua huc illuc iis in fide erudiendis eò recessi ex solis struthiorum
ovis, et parvulis guanacis uterinis vixisse, utpote mensâ parca igne potabili
reliqua enim, ut incocta, et duriora, dentes aut sthomacus rejiciebat.
Caeterum proxima Andibus regio est optima, colendoque aptissima, ad eos
ab aliquibus barbarorum quanquam paucissimus colitur omniaque fere europea
semina optime crescunt; et quanquàm hoc anno ex solo fere millio, et
equina carne hic vixerim apud Andes ne tamen _tior haec mihi mensi
paretur, plurimi barbarorum agros coluerunt, atque europaea semina
---page break---
