f. [51r]
Hic ego sensi animam meam ulterius progredi in Dominum Deum nostrum cum quibusdam profundis actionibus gratiarum, quiescendo quietissime in ipsis; nec commouebar animo ad communicandum aliquid cum peregrino praedicto, ita quod uisum. est mihi, quod Dominus noster per se ipsum cum suis sanctis faciebat mihi celebre quoddam festum super aduentum istum multo maiori et meliori modo sine aliqua comparatione quam potuisset accidere recipiens consolationem meam humaniter per uiam praesentiae et colloquia totius prospC' ratis spiritualis ex itinere. Discursus datus mihi a Domino [in] gratiarum actionem fuit per viam letaniarum, rogando Patrem ut benediceret Filio et Spiritui Sancto, et Filium ut benediceret Patri et Spiritui Sancto, et Spiritum Sanctum ut benediceret Patri et Filio. Eodem modo rogabam virginem Mariam ut daret gratias sanctissimae et indiuiduae
_______________
