Nosse secare cupis numerum? haec cape digna notatu:
Ad laevam Divisorem suppone Secando.
Sector si major quam prima figura Secandi.
Sub praeeunte loco majorem pone Secantem.
His positis, videas quoties Divisor hic insit
In suprascripto, totiesque repone seorsim.
Post haec inventa haec Quotiens nota multiplicetur
Per Sectorem, ab eoque supra qui scriptus habetur
Dematur, Reliquumque supra scribatur ademptum,
Inductis Sectore nota, numeroque Secando.
Postea promoto Sectore fac ut prius actum..
Cumque Quotum nequeas reperire minore Secando.
Cifram post lunam ponas; Sectoreque moto,
In suprascripto quoties sit quaere, Quotumque
Ut prius apponas retro. Hac procedito praxi,
Dum Divisorem numeros partitus in omnes.
Ultima si quidquam divisio facta relinquat,
Fractio censetur Sectoris, postque locanda.
§. IV.
Examen sive Probatio Divisionis.
Duc Divisorem in Quotum inventum, et numero ex multiplicatione resultanti adde residuum ex divisione, si quid remansit: si tota Summa fuerit aequalis Dividendo, certum est,fuisse bonam operationem. Sic si in exemplo primo praecedenti ducas 24 in 201, producentur 4824: quibud si addas 6, quae remanserunt,prodibunt 4830. En paradigma operationis.
