AKC Works 029/Argument

ARGUMENTUM OBELISCI,
Et de primaeva hiroglyphicorum origine, Authorum Orientalium
testimonijs confirmata.

EST Obeliscus hìc ab Aegyptiis consecratus supremo Genio, quem Spiritum seu Animam Mundi dicebant, et nunc Hemphta, modò baieth, iam Osirim quoque Aegyyptiacis nominibus appellabant. Hemphta nominabant, quando Intellectualis Mundi principem Genium innuebant; Baieth, Siderei Mundi Genium in Sole residentem indicabant; Id Aegyptiaca lingua dicebatur Baieth, Cor vitae, eò quos Sol esset Cor vitae rerum omnium: Indigitaturi verò elementaris Mundi Praefidem, Busirin, seu Serapidem dicebant.
Ut itaque hunc genium apto symbolo exprimerent, Obelisci figuram maximè congruam eligebant, quaternis lateribus in ultimum punctum fastigiatam, quas figuras Aegyptiacè digitos Solis dicebant, ut proindè aptè per huiusmodi Obeliscorum fastigiatas moles significarent, spitirus Mundi, sive Genii Solaris in quadripartitas Mundi partes, influxum; quo cuncta animari, cuncta conservari, praetereà abundantiam et ubertatem rerum omnium ab vitam ncessariarum concedi credebant.