Difference between revisions of "Page:De scriptoribus ecclesiasticis liber unus (1613).pdf/227"
| Page body (to be transcluded): | Page body (to be transcluded): | ||
| Line 2: | Line 2: | ||
| + | [357.] | ||
De Dino Mugelano – 1299 | De Dino Mugelano – 1299 | ||
<br> | <br> | ||
| Line 13: | Line 14: | ||
| + | [358.] | ||
De Ioanne Duns Scoto | De Ioanne Duns Scoto | ||
<br> | <br> | ||
| Line 46: | Line 48: | ||
| + | [359.] | ||
De Augustino Anconitano – 1301 | De Augustino Anconitano – 1301 | ||
<br> | <br> | ||
Revision as of 13:32, 30 August 2020
Ab anno Domini 1300 ad 1400
p. 209
[357.]
De Dino Mugelano – 1299
Dinus Mugelanus scripsit in titulum de regulis iuris in sexto; claruit tempore Bonifacii papae VIII anno 1299.
Seculum decimumquartum ab anno 1300 ad 1400
[358.]
De Ioanne Duns Scoto
Ioannes Duns Scotus, natione Anglus, ordinis Minorum, vir fuit acutissimo ingenio praeditus & cum docuisset primum Oxonii, deinde Parisii, immatura morte diem extremum obiisse dicitur anno Domini 1308. Scripsit haec:
Scriptum Oxoniense in quatuor libros Sententiarum.
Scriptum Parisiense in eosdem libros.
Librum Quodlibetorum.
Librum Collationum Parisiensium.
Librum de primo principio rerum.
Librum Theorematum.
Librum de cognitione Dei.
Tetragrammata quaedam.
Sermones de tempore & Sanctis.
Commentaria in Genesim, in Euangelia & in epistolas, valde oscura.
Item in Philosophicis.
Scripsit Quaestiones in Porphyrium, item in Aristotelis praedicamenta, Perihermenias, Prioria, Posteriora, Elenchos, de anima, Metaphysica & Physica.
[359.]
De Augustino Anconitano – 1301
Augustinus Triumphus, patria Anconitanus, professione religiosus sancti Augustini, vir pius & doctus, floruit ad initium anni 1300 sed obiit anno 1328 cum esset annorum octoginta quinque, ut ex inscriptione sepulchi ipsius constat, quod habetur Neapoli in ecclesia Fratrum eremitarum sancti Augustini. Scripsit egregiam summam de potestate ecclesiae, quae extat Romae edita anno 1584. Scripsit etiam Commentarium in Canticum beatae virginis Mariae, quod extat Romae excusum anno 1590. Scripsit plurima alia tum in sanctam scripturam, tum in Magistrum Sententiarum, tum etiam in Aristotelem & sermones ac tractatus varios, qui extare dicuntur in bibliotheca Vaticana.
