Page:Organum mathematicum libris IX. explicatum (1668).djvu/660

Itaque planum quoncunque inclinatum ad Horizontem, duplicem respectum habere potest ad Mundi latera. Vel enim angulus inclinationis vergit in Boream, vel in Austrum.
Si in Boream; vel est aequalis elevationi poli, vel minor, vel major.
Si in Austrum; vel est aequalis elevationi Aequatoris, vel minor, vel major.
Si angulus inclinationis vergens in Boream aequalis fuerit angulo elevationis poli; describe in eo Horologium Polare juxta dicta Cap.9. Si fuerit minor angulo elevationis poli, subtrahe inclinationis gradus ab elevationis gradaibus, et remanebit altitudo poli supra praedictum planum, iuxta quam Horizontale Horologium, delineatum modo dicto Cap.6. dabit Horologium inclinatum quaesitum. Verbi gratia, inclinet aliquod planum ad Horizontem 30 gradibus, in regione habente polum elevatum 42 gradibus; subtrahe 30 a 42, remanet 12: ad elevationem igitur 12 graduum describendum est Horologium Horizontale. Si anguls inclinationis fuerit major elevatione poli, v.g.50 graduum, in dicta regione habente elevationem poli 42 graduum; subtrahe elevationis gradus ab inclinationis gradibus, nempe 42 a 50, et reliquum 8 dabit latitudinem regionis octo graduum, ad quam Horologium Horizontale descriptum dabit quaesitum.
Si angulus inclinationis verges in Austrum aequalis fuerit elevationi Aequatoris, describe supra planum Horologium Aequinoctiale, iuxta dicta Cap.10. et habebis intentum. Si inclination fuerit minor elevatione Aequatoris, adde inclinationi alititudinem poli, et conflabitur alititudo alia poli, iuxa quam Horologium Horizontale descriptum dabit quaesitum. Si vero inclinatio fuerit major elevatione Aequatoris, adde altitudinem Aequatoris complemento altitudinis inclinationis, et conflabitur altitudo alia poli, iuxta quam Horologium Horizontale descriptum dabit quaesitum.
Ratio dictorum est, quia dictis modis addendo vel subtrahendo, reperitur planum, quod pro alicujus loci latitudine est