Page:Prodromus coptus sive aegyptiacus (1636).djvu/366

Classis I. Grammaticae Hieroglyphicae. In qua

Varia Aegyptiorum literatura, philologia, eiusque ad Hebraeorum Cabalam vicinitas, prima denique hieroglyphicorum per parallelam Cabalae comparationem institutio disquiritur.

II. Classis Physicae Hieroglyphicae. In qua

Occulti naturae characterismi, singularumque rerum naturalium signaturae, (ut vocant) e quibus hieroglyphicos characteres Veteres formare solebant, explicantur.

III. Classis Medicinae Hieroglyphicae. In qua

Medica ars et varia Aegyptiorum medendi ratio hieroglyphice repraesentata exponitur; continetque in se scientiam Simplicium; veluti lapidum, plantarum, arborum, fructuum, seminum, aromatum, olerum, animalium, virtutumquiis abditarum, occultam et incognitam scientiam pandit.

IV. Classis Mathematicae Hieroglyphicae

Continet inse Arithmeticam, Geometriam, Musicam, Astronomiam, Architectonicam, Staticam, Thaumaturgicam, sive de prodigiosis veterum Aegyptiorum machinis, quorum mysteria sub hieroglyphicis latentia eruuntur.

V. Classis Magiae Hieroglyphicae.

Discutit utramque Veterum Aegyptiorum Magiam; quae continet sub se Chymiam, Imaginum Astrologicarum

◅▻