Difference between revisions of "Page:Prodromus coptus sive aegyptiacus (1636).djvu/145"
m (ManciniWiki moved page Page:Prodromus coptus sive aegyptiacus (1636).pdf/145 to Page:Prodromus coptus sive aegyptiacus (1636).djvu/145: Text replacement - "(1636).pdf/" to "(1636).djvu/") |
ArchivesPUG (talk | contribs) m (→top: added Template:TurnPage, replaced: <references/> → <references/> {{TurnPage}}) |
||
| Footer (noinclude): | Footer (noinclude): | ||
| Line 1: | Line 1: | ||
| − | <references/> | + | <references/> {{TurnPage}} |
Latest revision as of 13:56, 6 May 2020
, Christiani Thomaei dicti, per varia regna divisi, diversis Regibus Gentilium et Maurorum subiecti reperiuntur. Habent ii suum Archiepiscopum, Episcopos et Sacerdotes, qui omnes e Suria veniunt plerumque eos ad huiusmodi expeditionem, Patriarcha Babylonio seu Alexandrino designante. Cum vero Episcopi non possint terras adeo remotas nisi admodum tardè et raro invisere, ne Sacerdotibus destinantur parvos adhuc pueros ordinibus initari solent, etiamsi non nisi in provectiori aetate, functiones suas exerceant. Causa vero cur Episcopi et Sacerdotes Suriani Indiam ingressi tantam sibi apud dictos Christianos authoritatem conciliarint, fuit homo quidam natione Surianus, Martome nomine, quod in nostra lingua dominum Thomam significat.Hic Martome erat admodum dives, et excellens, et ob hanc causam intrarat cum Regibus Caranganor, et Colon, et cum occasione nominis Thomę, et magnae qua pollebat authoritatis, Christiani Thomaei ei se coniungebant. Ita Martome veluti caput eorum factus benevolentia sua ita omnium animos sibi devinxit, ut difficile non esset, iis de solis Episcopis Suriae in Indiam recipiendis admittendisqua persuadere. Multum ad hoc iis persuadendum poterat lingua Syra, quam eandem esse demonstrabat, qua Christus Salvator noster in Hierosolima quondam esset usus; et qua S.Apostolus Thomas, suis maioribus sacrum olim promulgasset Evangelium
