Page:APUG 1053.djvu/114

sit nulli mortalium nec concessa, nec concedenda, extra omnes
humani conatus limites constituta: Quando igitur
consulimus puritatem Deiparae imitandam esse, si ei placere
velimus: Hoc dictum intelligas velim, quod quantum
vires humanae permittant, eam imitari conemur, praesertim
cum illi hac imitatione nihil charius, gratiusque
accidere possit. Agedum itaque devoti Mariae famuli,
quantum Divini Numinis gratia licuerit, puritatem
Mariae sectamini, securi, quod ex hac summopere placiturae
placiturae virtutis imitatione ad coeteras paulo post
enarrandas, maximos gradus facistis. Si vero quaeras,
in quo potissimum haec virtus consistat, et quomodo nos
gerere debeamus, ut perfecti imitatores Mariae inveniamur,
Tibi singulari methodo cuncta exponam.
Attende igitur, et assequere, quae tibi Maria, Domina
et Mater nostra inspiraverit, assequenda.

§.II.

Quomodo Deiparam in Virtute puritates

Virginea imitari possimus, et debeamus.

Non est potentius armorum genus, quo Sananas,
non dicam, hominum secularium, sed et Religiosorum corda
facilius expugnat, evincitque, quam vitium carnalis concupiscentiae,
et sat ex historiis Sanctorum liquet; ut proinde
quicunque charus purissimae Matris, eiusque genuinus
filius esse cupit, et imitatur, hanc tam necessariam
puritatis et continentiae virtutem ante omnia,
ardentissimis precibus expostulare satagat, sine
qua Dei filio, eiusque benedictae Virginum Virgini placere,
impossibile est; illud vero vitium ceu periculosum
Satanae instrumentum quibuscunque poterit modis, et
mediis, sola fuga vitet. Tria autem cumprimis ad Divinae

◅▻