Page:Prodromus coptus sive aegyptiacus (1636).djvu/74

annos usitata, ex qua vel maxime apparet cum primorum Christianorum in obeundis Sacramentis devotio; et SS. Eucharistiae antiquitas, tum Eccelsiae Catholicae in confectione eiusdem hucusque non interrupta consuetudo, uniformitas, et convenientia.
Multa hic alia de ritibus eorum proferre possem, sed quia ea omnia aliud tempus reservavi , ne Prodromi huius limites excedere videar, consulto hic de iis plura supersedeo. Hoc unicum addam, plurimum huiusmodi Liturgiae Coptae antiquitate sane maximam profuturam, cum ad confirmandas Sacramentorum cerimonias, tum dogmata hac tempestate controversa. Maxime hoc seculo calamitosissimo, quo Heterodoxis nostris non satis est, probris, convitiis, libellis famosis, contumeliis blasphemiis sacros Ecclesiae Chatolicae ritus, augustissimumque Missae sacrificium impugnare, sed et ipsi denique corpori, et sanguini Domini violentas manus inferre, sanctaque eius conculcare et contaminare; Insuper ipsius Missae exsufflatores, prorsus iugem illam hostiam sublatam a medio volunt, et abominatione desolationis, ante consumationem temporum a Daniele definitam, introducere nituntur. Quae mentis insania certo facile retundi poterit; si ostenderimus Missam non numperam, non a Papistis (ut calumniantur)

◅▻