Page:AKC 1664 08 04 563-013.pdf/5

†

Ad Lectorem

Ut fidem meam Amicis Europaeis, et quos potissimum,
mihi commune studium coniunxit, (tibi im
primis amicissime Athanasi Kircher Romanae Mathese
oraculum, totiusque Naturae sagacissime
prome-conde) exolverem, qua dum ab ijs in Occidentem
animarum causa avellor, me obstrinxi, brevem hanc
coeli solique Brasiliensis, qua parte Tropicum
inter ex Aequinoctialem, definitur, Epitomen horis
subsecivis scripsi. Ubi ut plurimum, de eius temperie
& aëris clementia, de Astrorum influxibus
eorumque admirandis effectis: de Meteoris, de
Asterismis Australibus: de novis Phasibus:
de Ventorum Australium qualitate: de anni tempestatibus:
de soli feracitate, ubertate et a__nitate:
de Longitudine et Latitudine: de aestibus marinis:
de fluminum aestuarĩjs: de frugibus, plantis, arboribus:
de Animalibus prodigiosis, terrâ marique. De
Volucribus, de Incolam moribus, et genio et ceteris curiosi
dissero. Ex occasione paucula quaedam inspersi
de solis, lunae, et reliquorum planetarum habitudine,
de spirali et helico motu, reiecta Antiquorum
de retrogradationibus, de Epicyclorum Augibus et ralaugibus;
de Eccentricis demotu Raptûs seu violento et ceteris
opinione. Boni consulent Astronomi si viâ non trita
imus, si à placitis veteris Astronomiae aliquantum discedimus.
Amicus Plato, amicus Socrates, sed magis
amica veritas. Vale lector, et peregrinum hoc
munusculum, quod ab Orbe novo, per toto, tantaque
marium et Oceani discrimina in Europam tuam
pariter et nostram, transmittimus, humaniter
accipe et lege.

---page break---

◅▻