Page:De scriptoribus ecclesiasticis liber unus (1613).pdf/99

De Trinitate & quod Spiritus sanctus sit Deus.
De eo »Quod non sunt tres dii«.
De differentia essentiae & hypostaseos.
De fide Trinitatis.
In dictum Apostoli »Tunc ipse filius subiicietur ei«.
De dormientibus.
De infantibus praemature raptis.
De resurrectione orationes 4.
De Assumptione Domini.
In dictum Domini »Quatenas fecistis uni ex minimis his, mihi fecistis«.
De anima & resurrectione disputatio.
De Trinitate contra Iudaeos.
De sancto baptismate.
Orationes laudatoriae in Basilium.
In 40 martyres.
In Pulcheriam.
In Placillam.
In Gregorium Neocaesariensem.
In Theodorum martyrem.
In Meletium.
De imagine, siue de creatione hominis, supplementum exameron Basilii.
De philosophia, lib. 8.
De vita Mosis, 1.

Prima obseruatio in opera S. Gregorii Nysseni.
Deesse videtur in hoc librorum Catalogo libri in Eunomium, quorum meminit sanctus Hieronymus in libro de Script. Ecclesiast. Neque dici potest contra Eunomium scriptum esse librum de Trinitate & Quod Spiritus sanctus sit Deus, nam hic est libellus, non libri plures, & in hoc libello Eunomius ne nominatur quidem. Audio, ex Bauarica Bibliotheca depromptos Graece libros duodecim contra Eunomium, eoque Latinitate donatos a Patre Iacobo Gretiero nostr, de literis & quod est longe amplius, de Ecclesia Catholica optime merito. Hi sunt igitur libri, quos commemorat S. Hieronymus & sibi ab ipso Gregorio lectos fuisse dicit.

Secunda obseruatio.
Praeter libros supra numeratos extat ex editione Parisiensi anni 1573. In Ecclesiasten conciones octo.
In Cantica canticorum explanatio.
De perfecti hominis Christiani forma.

◅▻