Page:EBC 1611 11 19 1117.pdf/1

Nos Robertus miseratione divina tituli SS.ae Mariae in Via, presbyter cardinalis Bellarminus, auctoritate et mandato Sanctissimi Domini Nostri D.Bauli Papae V reconciliavimus catholicae ecclesiae rev.m patrem dominum Simeonem Vretaniam episcopum Rascianorum et professione fidei, qualem Graeci facere solent cum ad ecclesiae Romanae obedientiam veniunt, in manibus nostris coram testibus facta, absolvimus eum ab excommunicatione et suspensione, in quam inciderai natione schismatis et ordinationis ab episcopo schismatico susceptae, et dispensavimus eum ilio super irregularitate, quam incurrerat eo q uod nondum absolutus ab excommuglcatione et suspensione sacra celebraverat et ordines etiam sacros alila contulerat.
(autogr.) Eundem autem sic reconciliatum et absolutum SS.mus Dominus noster Papa pro vero episcopo Rascianorum graecum ritum tenentium, non tamen schismaticorum, per Hungariam, Sclavoniam et Croatiae fines, necnon per extremas Carniblae partes sub dominio Serenissimi Archiducis Ferdinand! habitantium recognovit et admisit; atque eum paterno affectu commendat omnibus principibus et magistratibus, sub quorum temporali iurisdictione praedicti Rasciani degunt; eosdemque principes et magistratus paterne hortatur ut praedictum dominum Simeonem episcopum non solum in officio suo non impediant, sed potius eum defendant et malos homines ei repugnantes Christiana pietate coerceant. In quorum omnium fidem praesentes literas a nostro secretarlo scribi et a nobis manu propria subscriptas sigillo nostro signari mandavimus.
Datum Romae in palatio nostrae solitae residentiae, die 19 novembris, anno Domini 1611,Pontificatus sanctiss.i domini nostri D. Pauli Papae V anno septimo etc.

A