Page:EBC 1608 03 27 0752.pdf/2

ris oscitantia pro veste sacerdotalis, peste sacerdotali typis mamdaverat; hoc erratum non inter alia reponendum censui, sed piane recudendum folium indicavi, sicque factum est. Itaque providebo quantum potere diligenter, ut D.V. in correctione fiat satis. Quod si nostra aliqua oscitantia (nam quandoque bonus dormitat Homerus) contingeret grave aliquod erratum commissum fuisse, culpam ita emendabimus, ut bibliopola ad folium reficiendum inducatur.
Comperi autem bibliopolam esse Parisiensem, qui editionem novam iuxta Venetam editionem ea in urbe sit aggressus a multo tempore, quod Pillehotio nostro multum stabit, et non multum D.V. placebit; credo quod praeter errores proprios,quos illa editio secum afficit, multos alios novos adiunctos habebit, qui novam hanc editionem deformabunt. Quid poterit huic malo adhiberi remedii, D.V. si placet, cum R.P. Richehomio nostro considerabit.
Psalmorum expositio, quam D.V. molitur, magnam non mihi solum, sed omnibus quibuscum de ea egi, desiderium eius videndae excitat. Si ego in partem aliquam eius laboris assumi a D.V. potere, id in magni beneficii loco tota vita ducam, ut si versiouli bibliorum notandi, si graeca latine reddenda, si hebraea latinis vocibus exprimenda, si margini quid adiungendum ducit, denique quioquid in me erit, poterit mihi imponere; ego non quasi bos lassus sarcinam reiiciam, sed iubens volensuqe ad finem usque perferam; plurimumque operae pretium me fecisse iudicabo, si in tam insigni praeclaroque labore aliquid conferre potero. Sed nimis forte multa de me polliceor, qui meus non sim. Interim hoc qualecumque dictum meum, meae erga D.V. observantiae et obsequii erit testimonium, Valeat in multos annos D.V. observand. meque Deo in suis commendat sacrificiis. Lugduni, 27 martii 1608.
D.V. Illust.mae
Servus in Christo
humillimus Petrus Maturus sacerdos.
Illust.mo et Rever.mo Domino perpetuo mihi colend.mo D.Roberto Bellarmino S.R.E.Cardinali amplissimo.
Romam.