Page:Prodromus coptus sive aegyptiacus (1636).djvu/220

praetereà singulos Mosis libros in lectiones, quas (versus) appellant, et paraschim et sedarim Iudaicis longè breviores. Sexcentas triginta liber Genesis earum numerat. Exodus 603. Leviticus 702. Numeroũ 835. etc. quorum numerus finito libro exprimitur hisce verbis Coptis.
Genesis continet versus. 630.

Exodus continet versus 603.

Leviticus continet in summa 702.

Numerorum liber continet versus 835
Deuteronomium quot versus habeat ob tritam et exesam vetustate paginam colligere non valui. Atque in hoc mihi Samaritanos imitari videntur Coptitae. Distinguunt illi eadem ratione 5 libros Moysis, in sectiones quasdam quas Katsim vocant, quarum 250 in Genesis libro numerant, et in tota Lege 960. et numerum earum non secus ac Coptitae suos