Editing Page:Organum mathematicum libris IX. explicatum (1668).djvu/486

Tabulam perpetuam, ad inveniendum Aureum numerum cujuslibet anni Christi inchoati, vide in Calendario Gregoriano perpetuo, Canone 1. apud Clavium, initio Operis de Calendario Gregoriano. Ego hanc aliam propono, brevem, et facilem.<br>
''Constructio Tabellae.'' Tabellam lubitae latitudinis ac latitudinis divide in quatuor columnas perpendiculares, signatas litteris A, B, C, D; et quinque series transversales, signatas litteris E, F, G, H, K. In hac Tabella colloca annos centesimos ab ortu Christi Salvatoris, hoc modo. Primo in seriei E cellula prima colloca annum 0, in cellula secunda annum 100, in cellula tertia annum 200, in cellula quarta annum 300. Deinde in seriei F cellula prima annum 400, in secunda annum 500, in tertia annum 600, in quarta annum 700. Tum in seriei G. cellula prima annum 800, in secunda 900, in tertia 1000, in quarta 1100. Post haec in seriei H cellula prima annum 1200, in secunda annum 1300, in tertia annum 1400, in quarta annum 1500. Demum in seriei K cellula prima annum 1600, in secunda annum 1700, in tertia annum 1800. Et quoniam hactenus centesimi anni collocati sunt in 19 cellulis, quot nimirum sunt Aurei numeri; redeundum est ad primam seriem, et in prima cellula collocandus est annus 1900, in secunda annus 2000, et sic deinceps, revertendo semper post cellulam decimam nonam ad primam seriei primae cellulam. Rationem collocationis dabimus in Annotationibus.<br>
Collocatis hac ratione annis centesimis in praedictis 19 cellulis, dispone in eisdem omnes 19 Aureos numeros ita, ut in primae columnae A cellula prima collocetur 1, in secunda 2, in tertia 3, et sic deinceps, prout Schema Tabulae monstrat.<br>
''Usus Tabellae.'' His factis, sic invenies Aureum numerum cuilibet anno proposito debitum. Si datus annus est centesimus aliquis: quaere ejus sedem inter novendecim cellulas; numerus enim invento centesimo adscriptus, seu attributus, erit Aureus numerus eidem centesimo anno debitus. Si vero datus annus non est centesimus aliquis, sed alius quicunque; quaere in cellulis Aureum numerum illius centesimi, qui proxime antecedit annum