Editing Page:Organum mathematicum libris IX. explicatum (1668).djvu/458

Ex his, quad diximus, constant, quod 30 Epactae possint esse in universum, ab unitate usque ad XXX, velo, vel <sup>*</sup>, propter dies videlicet 1, 2, 3, etc usque ad 30, qui superesse possunt post Lunationem mense Decembri terminatam. Constat praeterea, Epactam anni sequentis formari ab Epacta anni praecedentis adjectione 11, quoniam singulis anni annus Lunaris minor est Solari diebus 11.<br>
Et quanquam, cum Lunatio aliqua finitur primo vel ultimo Decembris, Epacta insequentis anni sit 30, vel 0; signanda tamen est in Calendario signo hoc <sup>*</sup>, ut per illud Novilunia insequentis anni investigentur, intelligaturque, duas Lunationes esse terminatas in mense Decembri, unam primo, alteram postremo die.<br>
Accidit tamen aliquando, ut Epacta alicujus anni sit unitate major, quam numerus dierum, qui post ultimam Lunationem antecedentis anni supersunt. Causam vide apud ''Clavium'' in Calendario cap. 12. et apud nos Capite sequenti. Contingit praeterea nonnunquam, ut antecedenti Epactae addenda sint 12, non 11, ut Epacta sequens formetur; quod quando fiat, dicetur sequenti Capite.<br>
<center>§. II.</center>
''<center>Dispositio Epactarum in Calendario.</center>''
AD dispositionem triginta numerorum Epactalium in Calendario quod attinet, quanquam ii secundum seriem naturalem numerorum ab I usque XXX, vel <sup>*</sup> describi possint; placuit tamen Calendarii Reformatoribus, illos retrogrado ordine a XXX vel <sup>*</sup>, per XXIX, XXVIII, etc progrediendo usque ad I describere, ut a dierum numero ejusdem Calendarii distinguantur, et magis naturaliter Novilunia monstrent, quae semper retrocedunt in Calendario, propter defectum Lunaris anni a Solari.<br>
Ad primum igitur Januarii diem scripta est Epacta XXX, signata hoc signo <sup>*</sup>; ad secundum vero Januarii posita est Epacta XXIX, ad tertium XXVIII, et ita deinceps, prdine retrogrado,