Editing Page:Organum mathematicum libris IX. explicatum (1668).djvu/657

primo recta C D ope perpendiculari, et ipsi constituatur perpendicualris A B: vel ducatur A B ope libellae, et C D fiat ipsi perpendicalaris, Reliqua fiant, ut dictum.<br>
<center>Annotatio I.</center><br>
''Absoluto Horologio, deleantur omnia, praeter lineas et numeros horarios. Posset tamen relinqui Aequinoctialis, si stylo recto uti velis; quia vertex umbrae styli in diebus Aequinoctiorum percurrit tota die Aequinoctialem.''<br>
<center>Annotatio II.</center><br>
''Ad lineas horarias inveniendas, potest etiam modo nostro ordinario, in Cursu Mathematico Par.2. in aliis Horologiis delineandis servato, sic procedi. Producatur linea E F ultra E, et per Educatur ipsi E F perpendicularis G P, et ex E in R transferatur distantia G I, et in linea G P inquirantur puncta horaria ex R eo modo, quo fit in Horologiis non declinantibus, et per puncta inventa ducantur ex F rectae, et notetur, ubi hae intersecant Horizontale A B: si enim per puncta intersectionis in A B inventa ducantur ex centro C rectae, habebitur Horologium quaesitum. Punctum horae sextae invenies, si per F ducas parallelam ipsi G P.''<br>
<center>PROPOSITIO II.<br>
''Describe Horologium declinans, ope Semicirculi.''<br>
''Quadrantis, et Regulae Sciathericae.''</center><br>
Descripturus Horologium Verticale declinans, sive in plano stabili, sive in mobili, transferendum postea in murum declinantem; sic operare.<br>
I. Duc duas rectas, A B, et C D, ad rectos angulos in E se se intersecantes; quarum prior A B repraesentat lineam Meridianam, sive communem sectionem Meridiani cum plano proposito; altera Horizontalem, seu communem sectionem plani Horizontalis et plani declinantis.<br>
II. Ex E centro describe arcum C S D; infra quidem C D, si murus respicit versus Meridiem seu Austrum; supra vero C D,