Editing Page:Organum mathematicum libris IX. explicatum (1668).djvu/432

genera, quae illas metiuntur. Sicut enim, ob quatuor diversa dierum initia diversa sunt horologia, videlicet Babylonica, Italica, Europaea, et Judaica seu Antiqua; ita Horae dici possunt Babylonicae, Italicae, Europaeae, Judaicae seu Antiquae. Priorum trium specierum horae dicuntur et sunt aequales, ultimae inaequales, propter causam eandem, propter quam Astronimicae ita appellantur.
<center>§. II.</center>
<center>''De Annis, Mensibus, Septimanis, ac Diebus Politicis Solaribus.''</center>
''ANnus Politicus'' sive civilis, est certus dierum naturalium integrorum numerus, sine horarum ac minutorum appendicibus, a Rerumpublicarum Legislatoribus institutus, et gentis cujusque instituto populari accomodatus.<br>
Duplex est; ''Solaris'' alius, qui ad Solis motum, annumque Astronomicum Solarem accommodatur; alius ''Lunaris'', qui accommodatur ad motum Lunae, seu annu Astronomicum Lunare.<br>
Solarium annorum Politicorum plures fuerunt olim et etiamnum hodie sunt apud diversos populos species, quarum notissimae suerunt duae, una ab Aegyptiis, altera a Cajo Julio Caesare, opera Sosigenis Mathematici instituta: unde illa Annus Aegyptius, haec Annus Julianus appellatur. Et hic ultimus etiamnum in Europa, et tota Christi Ecclesia quoad tempora Ecclesiastica usurpatur.<br>
''Annus Julianus'' duplex est, Communis, et Intercalaris seu Embolicus. ''Communis'' constat diebus 365 praecise, sine appendice horarum fere sex, quas Astronomicus annus praeter dies praedictos habet adjunctas. Quastamen horas Julius Caesar minime negligendas, sed anno suo Civili, quem Solarem esse voluit, inserendas censuit singulis quadrienniis, ut dicemus, ut civilis annus cum Astronomico accuratius congrueret. Cum itaque putaret, ut et alii Astronomi ante ipsum, Annum Solarem Astronomicum esse Dierum 365, et Horarum 6 praecise; ut sex harum horarum ratio haberetur, statuit, ut tres quilibet sibi succedentes