Editing Page:Organum mathematicum libris IX. explicatum (1668).djvu/431

Uterque inaequalis est; unde inter iglos Medium eligunt Astronomi, qui norma sit caeterorum. Communis Medius est Dier.354, Hor.8, Min.48.38.13. circiter. Embolismicus Medius est Dier.383, Hor.21, Min.41.18.24.<br>
<center>CAPUT V</center>
<center>''De tempore Politico Solari et Lunari, ejusque in partes distributione.''</center>
TEmpus Politicum seu Civile diximus supra ante Caput 3. esse, quod ex tempore Astronomico ad usum civilis vitae accommodatum est a doctis, aut Legislatoribus. Hujus itaque regula ac mensura est tempus Astronomicum, ad quod quo propius accedit, eo perfectius censetur, ut ibidem diximus.<br>
Temporis Politici partes, perinde ut Astronomici, sunt horae, dies, menses, et anni. Et Anni quidem ac Menses alii sunt Solares, alii Lunares; Dies autem Solares tantum sunt, uti et Horae.
<center>§. I.</center>
''<center>De Diebus et Horis Politicis.</center>'' 
''DIes Politicus'', perinde ac Astronomicus, vel Naturalis est, ex luce et tenebris constans; vel Artificialis, constans ex sola luce; cui succedit Nox Artificialis, ex tenebris constans. Artificialis dies incipit in Ortu Solis, et finitur in Occasu. Nox Artificialis ab Occasu Solis incipit, et finitur in Ortu.<br>
Naturales dies Politici inchoantur ab aliis populis, nempe Babyloniis, et Judaeus olim, quamvis diverso modo, ab Ortu Solis, et in Ortu Solis finiuntur; ab aliis, nempe Italis, in Occasu Solis inchoantur et finiuntur; ab aliis, nempe plerisque Europaeis, in Meridie, ut supra etiam de Astronomicis diximus. Ex quibus constat, quatuor veluti species Dierum Politicorum statui posse, nempe Babylonicos, Italicos, Europaeos, Judaicos. Lege ibi dicta.<br>
''Horae'' quoque ''Politicae'' quadruplices statui possunt, juxta quadruplices diei species, et quatuor horologium schiathericorum