Editing Page:Organum mathematicum libris IX. explicatum (1668).djvu/1075

Clavibus signato, et vide, quibus lineis aut spatiis in eodem pentagrammo competatn. Inventis lineis ac spatiis imprime puncta; stabitque pentagrammum Cantus punctis suis signatum, ut apparet in praecedenti paradigmate primo.<br>
''Sexto.'' Procede ad compositionem reliquarum Vocum, ac primo Alti, eodem modo, quo antea: considerando videlicet singulos numeros prima seriei Musarithmi primi, deputatae Alto,eosque numeros quaerendo in columna Toni II. et videndo, quibus litteris ejusdem columnae singuli respondeant. Numeri secundae seriei sunt octo sequentes, 76543282; litterae,quibus in columna Toni secundi respondent hi numeri, sunt Octo sequentes, F,E,D,C,B,A,G,A. Has litteras quaere in pentagrammo Alti, et lineis ac spatiis, quibus adscriptae sunt litterae,imprime puncta; stabitque pentagrammum Alti suis punctis notatum, ut apparet in eodem praecedenti paradigmate primo.<br>
Eodem modo imprimes puncta pentagrammo Tenoris et Bassi; stabuntque dicta pentagramma punctis signata, Prout in eodem paradigmate apparet.<br>
''Septimo.'' Loco punctorum quatuor pentagrammis impressorum scribe quatuor series notarum musicarum, quas paulo ante numeris Musarithmi strophae primae ad larus adscripsimus, hoc est, supra puncta colloca notas, nempe supra puncta pentagrammi Cantus pone notas primae seriei, supra puncta pentagrammi Tenoris notas tertiae seriei, etc. stabuntque notae in pentagrammis, prout in sequenti paradigmate secundo apparet.<br>