EXEMPLUM. In regione eadem, ut antea, gradu et die edem, tempus nocturnum est horarum 10, minutorum 16. Sol ergo oritur tunc Italica 10, minuto 16.
Arcus diurnus, sive tempus diurnum indicat horam Occasus solis.
EXEMPLUM. In eadem regione, eodem gradu et die, tempus diurnum est horarum 13, minutorum 44. Sol ergo occidit hora 13, minuto 44.
Ex his patet, quo artificio calculandae sunt sequentes duae ad elevationem poli graduum 48, una pro hora Ortus, latera pro hora Occasus Solis; quae accuratiores sunt, quam illae, quas supra initio Libri huius ex Auctore organi adsignavimus.
Constructio Tabularum haec est. Prima columna ad sinistram continet gradus 30 cuiusque Signi Zodiaci. Itaque loco Applicatoriae Tabellae est, et omnibus sequentibus Tabellis latioribus applicari debet in usu actuali, si excissae, et a se invicem separatae fuerint. Sex Tabellae seu columnae latiores, quae in utraque Tabula sequuntur, continent in prima columna nomina menssium, in secunda dies mensium, qui gradibus columnae Applicatorie respondent, in tertia horam Ortus; in quarta horam Occasus Solis. Et sex quidem columnae Tabulae primae continent horas Ortus et Occasus, Sole existente in Signis Borealibus Zodiaci, sex vero columnae Tabulae secundae horas Ortus et Occasus, Sole existente in Signis Australibus.
