Page:Organum mathematicum libris IX. explicatum (1668).djvu/80

citra confusionem composita, incredibilis historiarum amor earumque memoria,Arithmeticae, Coelestis Sphaerae, Geographiae, Steganographiaeque mira cognitio, Artis denique, quae urbium muniendarum rationem continet, studium supra modum eximium.
Venustatem corporis et formae gratiam, quia non cum caecis mihi res est, ultrò praetereo; illud unum libet adiungere, si ex mente Poetae: Gratior est pulchro veniens e corpore virtus, CAROLI IOSEPHI enumeratas hactenas à me virtutes ea gratia, quae à specioso corpore consuevit accedere, nequaquam caruisse.
Hanc incorruptam vitae lucem, hos fulgentissimos virtutum radios cum haec STELLA copiose diffunferet; cuius non illud unicè desiderium fuit, ut in Propria aliqua Domo culminans orbi nostro benevolo aspectus et influxus impertiretur? Et quas non infelices architecti ( terreni volo dicere affectus) eidem in omni poene mundi cardine fixerunt, aut verius finxerunt domos? Erant quibus Italiae plaga placeret in Meridie; erant qui potius Arctum Septentrionemque in Polonia respicerent; placebat nonnullis Occidens in Belgico Leone; alii in Orientem magis conversi ipsum Lunae Ottomannicae coneavum in dodecatemorion illius elegerant, ut illic aliquando culminaret super fratrem solis et lunae. Atoblanda quidem, sed momentanea somnia spes humanae! Castella hi omnes in aere levibus nubium columnis subnixa potiùs, quam domicilium STELLAE struxerunt, quae coelestis cum esset originis,

◅▻