Page:Organum mathematicum libris IX. explicatum (1668).djvu/734

non alios magis oportere scientiae huic studium suum impendere, quam Mundi Monarchas, Caesares, Reges, principes, Nobiles. Sunt hi prae caeteris Divinae Mentis ideae, in quibus eluceant Divinae Virtutes, Sapientia, Bonitas, Clementia, Liberalitas, Fortitudo, aliaque mentis ornamenta:sunt inter homines Dii. Coelum ergo, quae DEI domus est, inhabitent; DEO cohabitent prae caeteris. Quod quoniam mortali adhuc corpore indutis non licet, suspiciant saltem si non semper, aliis tamen frequentius atque accuratius, coelum. Lactantium audiant, qui Lib.2. Divinar. Institut. Cap.2. illos, quibus praecipua cura coeli contemplatio nascendi conditione esse debet, ita alloquitur: Quid ergo rebus inferioribus subjacetis? quid capitibus vestris terram superponitis; ipsi vos ultro ad inferos mergitis, ad mortemque damnatis; quia nihil terra inferios et humilius, nisi mors et inferi. Quae si effugere velletis, subjectam pedibus vestris terram contemneretis, corporis statu salvo: quod idcirco rectum accepistis, quo oculos atque mentem cum eo, qui fecit, conferre posseris; scilicet coeli aspectu et contemplatione. Nec aliter

◅▻